Ötən il bu qədər narkotik vasitə müsadirə edilib

2025-ci ildə ölkə ərazisində 11,5 ton narkotik vasitə müsadirə edilib. Bu barədə Dövlət Statistika Komitəsindən bildirilib.

Ötən il 11539,1 kiloqram və ya əvvəlki ilin göstəricisi ilə müqayisədə 23,7 faiz çox narkotik vasitələr, psixotrop maddələr, prekursorlar və tərkibində narkotik maddələr olan bitkilər müsadirə edilərək götürülüb.

2025-ci ildə Dövlət Sərhəd Xidmətinin struktur qurumları tərəfindən, həmçinin digər hüquq-mühafizə orqanları ilə birgə ümumilikdə 4 ton 311 kiloqram 864 qram narkotik vasitənin, 78 min 457 ədəd psixotrop tərkibli və güclü təsiredici həbin, 128 milyon 255 min 862 manat dəyərində qaçaqmalın dövlət sərhədindən qanunsuz keçirilməsinin qarşısı alınıb.

Bundan başqa, 24 ton 585 kiloqram narkotik xassəli bitki məhv edilib.

Aytac  Zeynalova