2026–2030-cu illər üçün turizmin inkişafına dair Dövlət Proqramı hazırlanıb

Dövlət Turizm Agentliyi tərəfindən “Azərbaycan Respublikasında 2026–2030-cu illərdə turizmin inkişafına dair Dövlət Proqramı” hazırlanıb və hazırda sənəd qurumlar arasında müzakirə mərhələsindədir. Bunu Dövlət Turizm Agentliyinin sədri Fuad Nağıyev bildirib. 

Onun sözlərinə görə, proqramda hava əlaqələrinin genişləndirilməsi, Azərbaycanın qastronomiya, sağlamlıq, qış və eko turizm istiqamətləri kimi tanıdılması, turizm sahəsində mikro və kiçik sahibkarlığın dəstəklənməsi, eləcə də sektor üzrə təsnifat və uçot sisteminin təkmilləşdirilməsi nəzərdə tutulur.

Sənəddə regionlarda əsas turizm məntəqələrinin əlçatanlığının artırılması, turizm təhsili və infrastrukturunun inkişafı, həmçinin hədəf bazarlarda təbliğat və sosial media kampaniyalarının genişləndirilməsi də prioritet istiqamətlər kimi müəyyən edilib.

Gülnar Nazimqızı