Fevralda 33 nəfər dərmandan zəhərlənib - 6 nəfər ölüb

2026-cı ilin fevralında Kliniki Tibbi Mərkəzin Toksikologiya şöbəsinə 88 nəfər müxtəlif mənşəli zəhərlənmə səbəbindən yerləşdirilib, 6 nəfər ölüb. Bu barədə mərkəzdən məlumat verilib. 

Ən çox zəhərlənmə hallarına 33 nəfər dərman preparatları, 23 nəfər sirkə turşusu, 15 nəfər dəm qazı səbəb olub. Digər zəhərlənmələr arasında siçan dərmanı, spirtli içkilər, yandırıcı və həlledici məhlullar, allergik reaksiyalar və anafilaktik şok qeydə alınıb.

82 pasiyent vaxtında aparılan müalicə ilə stabilləşdirilərək evə buraxılıb. Ölüm halları əsasən dərman, spirtli içki və sirkə turşusu ilə zəhərlənmə nəticəsində yaranan toksik vəziyyətlə bağlıdır.

Gülnar Nazimqızı