Ombudsman ibtidai siniflərin dərsi yükü ilə bağlı təkliflər verib

Ombudsman Səbinə Əliyeva Milli Məclisdə çıxışı zamanı tədris proqramının ağır olması və dərs vəsaitlərinin çoxluğunun xüsusilə ibtidai sinif şagirdlərinin çantalarının həddindən artıq yüklənməsinə səbəb olduğunu açıqlayıb. 

Ombudsmanın təklifinə görə, bu hal şagirdlərin sağlamlıq vəziyyətinə və fiziki inkişafına mənfi təsir göstərdiyindən: tədris proqramı optimallaşdırılmalı, eyni fənn üzrə çoxsaylı əlavə vəsaitlər əvəzinə inteqrasiya olunmuş, daha yığcam dərs materialları tətbiq edilməli, rəqəmsal resurslardan istifadə genişləndirilməli, bunun üçün təhsil müəssisələrinin maddi-texniki bazası gücləndirilməli, şagirdlərin gündəlik istifadə etmədikləri vəsaitləri məktəbdə saxlaya bilmələri üçün dolablar quraşdırılmalıdır.

Gülnar Nazimqızı