Ümumtəhsil müəssisələrində müəllimlərin 81%-ni qadınlar təşkil edir

Azərbaycanda ali təhsil müəssisələrində tələbələr arasında qadınların payı 37,1% təşkil edir. Bu barədə elm və təhsil nazirinin müavini Firudun Qurbanov Milli Məclisdə çıxışı zamanı bildirib.

"Humanitar bölmədə bu faiz 70 faizdən çoxdur.Texniki ixtisaslar daha çox gəlir gətirir. Bu da ailədə stereotiplərin olduğunu göstərir. Qızlar informasiya texnologiya ixtisaslarını az seçirlər", - o bildirib. 

Nazir müavininin sözlərinə görə, ümumtəhsil müəssisələrində müəllimlərin 81%-ni qadınlar təşkil edir, rəhbər vəzifələrdə isə qadınların payı 61%-dir.

Gülnar Nazimqızı