24 Çin vətəndaşı İrandan Azərbaycana keçib

Daha 24 Çin vətəndaşı “Astara” dövlət sərhədindən buraxılış məntəqəsi vasitəsilə İrandan təxliyə olunublar.

Təxliyə edilən şəxslər sərhəd-keçid məntəqəsində müvafiq sənəd yoxlanışı, qeydiyyat və digər zəruri prosedurlardan keçiblər. Bütün prosedurlar tamamlandıqdan sonra onların təhlükəsiz şəkildə Azərbaycan ərazisinə daxil olmaları təmin edilib.

Bu gün daha 2 Rusiya vətəndaşı da “Astara” dövlət sərhədindən buraxılış məntəqəsi vasitəsilə sərhədi keçərək Azərbaycan ərazisinə daxil olub.

Qeyd edək ki, “Astara” dövlət sərhədindən buraxılış məntəqəsində təxliyə prosesi fasiləsiz davam etdirilir və keçidlər müvafiq prosedurlara uyğun olaraq, aidiyyəti qurumların nəzarəti altında həyata keçirilir.