Rasim Əliquliyev: Azərbaycanda rəqəmsal dövlət müəssisələrinin yaradılması vacibdir

Ölkədə hər bir dövlət qurumu öz fəaliyyətinin yol xəritəsini hazırlamalıdır. Bunu Azərbaycan Elmlər Akademiyasının vitse-prezidenti Rasim Əliquliyev Milli Məclisdə çıxışı zamanı bildirib.

Onun sözlərinə görə, əgər rəqəmsal fərqlər düzgün idarə olunmursa, məlumatlarla davranış qaydası optimal deyilsə və ekosistem mövcud deyilsə, bu boşluqlar və fəsadlar yarada bilər.

Əliquliyev vurğulayıb ki, rəqəmsal dövlət müəssisəsinin yaradılması və kadrların hazırlanması bu baxımdan zəruri və prioritet məsələdir.

Bu, dövlət qurumlarının fəaliyyətində səmərəliliyi artırmaq və müasir texnoloji standartlara uyğun idarəetməni təmin etmək üçün vacib hesab olunur.

Gülnar Nazimqızı