Azərbaycanda qrant əməliyyatlarına görə cərimələr artırılacaq

Azərbaycanda qrantların alınması və verilməsi ilə bağlı qanunvericiliyin pozulmasına görə inzibati cərimələrin artırılması nəzərdə tutulur.

Dəyişiklik Milli Məclisin Hüquq siyasəti və dövlət quruculuğu, İnsan hüquqları komitələrinin martın 12-də keçirilən birgə videokonfrans iclasında müzakirə olunub.

Hazırkı qanunvericiliyə görə, qeydiyyata alınmamış qrant müqavilələri üzrə əməliyyatlar aparan vəzifəli şəxslər 2 500–5 000 manat, hüquqi şəxslər isə 5 000–8 000 manat məbləğində cərimə olunurlar.

Qanun layihəsinə əsasən, eyni əmələ görə fiziki şəxslərin cəriməsi 1 000–2 000 manat aralığında olacaq.