DİN: Bir gündə 77 cinayətin üstü açılıb

Azərbaycan polisi martın 17-də ölkə ərazisində qeydə alınan və əvvəlki dövrlərdən bağlı qalan ümumilikdə 77 cinayətin açılmasını təmin edib. Bu barədə Daxili İşlər Nazirliyi məlumat yayıb.

Məlumata görə, əməliyyat tədbirləri nəticəsində 178 axtarışda olan şəxs, o cümlədən borclu qismində axtarılan 136 nəfər saxlanılaraq aidiyyəti üzrə təhvil verilib.

Hesabat dövründə 26 narkotiklə bağlı, həmçinin qanunsuz saxlanılan silah-sursatın aşkarlanması üzrə 24 fakt müəyyən edilib.

Bundan əlavə, cinayət törətməkdə şübhəli bilinən 60 nəfər saxlanılıb.

Gülnar Nazimqızı