Azərbaycanda incəsənət məktəblərində attestasiya və istedad seçimi müzakirə olunub

Attestasiyadan keçməyən müəllimlər bununla bağlı deputatlara müraciət etsələr də, proses ümumilikdə düzgün nəticələr verir. Bunu Milli Məclisin Mədəniyyət komitəsinin sədri Polad Bülbüloğlu bildirib.

O, Milli Məclisin Elm və təhsil komitəsinin incəsənət məktəblərinin vəziyyəti və inkişaf perspektivlərinə həsr olunmuş ictimai dinləməsində çıxışı zamanı deyib ki, deputatlar attestasiyadan narazı müəllimləri qəbul ediblər.

“İnsanları dinləyirik, lakin musiqiçi kimi suallar verəndə aydın olur ki, attestasiya düzgün nəticələr verir”, —  o qeyd edib.

Onun sözlərinə görə, attestasiya hər 5–7 ildən bir keçirilməlidir.

Bülbüloğlu əlavə edib ki, ümumi təhsil vacib olsa da, incəsənətdə əsas amil istedaddır.

O, regionlardan perspektivli uşaqların Bakıya göndərilməsini təklif edib.

Mədəniyyət naziri Adil Kərimli isə bildirib ki, istedadların aşkarlanması və dəstəklənməsi əsas prioritetdir.

Nazir əlavə edib ki, gələn ildən Uşaq İncəsənət Festivalı olimpiada formatında keçiriləcək və qaliblər imtahansız ali məktəblərə qəbul olunacaqlar.

Gülnar Nazimqızı