Azərbaycanda kredit portfeli 31,8 mlrd manatı keçib

2026-cı il fevralın 1-nə ölkənin bank və digər kredit təşkilatlarının kredit portfeli 31 863,7 milyon manat təşkil edib. Bu barədə Azərbaycan Mərkəzi Bankının məlumatında deyilir. 

Kredit portfelinin 26 171,6 milyon manatı uzunmüddətli kreditlərin payına düşüb. Vaxtı keçmiş kreditlərin həcmi isə ümumi portfelin 1,7%-ni təşkil edib.

Eyni dövrdə fiziki şəxslərin banklardakı əmanətlərinin həcmi milli valyuta ekvivalentində 16 666,6 milyon manat olub.

Hesabata görə, 2026-cı ilin yanvar–fevral aylarında manatın orta məzənnəsi 1 ABŞ dollarına qarşı 1,70 manat, 1 avroya qarşı 2,0 manat səviyyəsində formalaşıb. Bu dövrdə 100 türk lirəsi 3,91 manat, 100 Rusiya rublu isə 2,20 manat olub.

Gülnar Nazimqızı