Azərbaycanda yeni ictimai-siyasi xəbər saytı “Tiraj.az” fəaliyyətə başlayıb

Azərbaycanda yeni onlayn xəbər platforması “Tiraj.az” oxuculara ölkə və dünya hadisələri barədə operativ və obyektiv məlumat təqdim etməyi hədəfləyir.

Sayt ictimai-siyasi xəbərlər, analitik yazılar, müsahibələr və araşdırmalarla da fəaliyyət göstərəcək.

Layihənin təsisçisi və baş redaktoru jurnalist Qafqaz Rafiqoğlu bildirib ki, sayt saxta xəbərlərə qarşı mübarizəni və etibarlı informasiya təminatını əsas prioritet hesab edir.

“Feyk məlumatların geniş yayıldığı bir dövrdə ‘Tiraj.az’ oxuculara yoxlanılmış və etibarlı xəbərlər təqdim edəcək. Bu, həm də saxta xəbərlərə qarşı mübarizənin bir hissəsidir,” – Rafiqoğlu vurğulayıb.

O əlavə edib ki, platforma müasir media standartlarına uyğun fəaliyyət göstərəcək və oxucuların informasiya ehtiyaclarını ön planda saxlayacaq.