Azərbaycanda 6,7 milyon dollar dəyərində narkotik yandırılıb

Bu gün Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Komissiyasının İşçi Qrupu bu il ərzində 158 məhkəmə hökmü ilə müsadirə edilməklə, barəsində məhv etmə qərarı çıxarılmış narkotik vasitələrin yandırma üsulu ilə məhvini təşkil edib.APA-nın məlumatına görə, 168 kq 977, 509 qr həşiş, 129 kq 432, 657 qr marixuana, 48 kq 951,3 qr heroin, 55 kq 546, 98 qr tiryək, 17 kq 119, 89 qr çətənə kolları, 261,702 qr psixotrop maddələr, ümumilikdə 420 kq-dan artıq narkotik vasitə aidiyyəti təşkilatların və KİV nümayəndələrinin iştirakı ilə Sabunçu rayonu, Zabrat qəsəbəsi, Bakı Neft Maşınqayırma Zavodu ərazində yandırma üsulu ilə məhv edilib. Müsadirə edilmiş müxtəlif növ narkotik vasitələrin “qara bazar”da ümumi dəyəri 6 milyon 660 min dollar təşkil edir.ANN.Az