Həkim Azər Maqsudov amnistiya ilə cəzadan azad edilib

Tanınmış alim Arif Acaloğlunun ölümü ilə nəticələnən yol-nəqliyyat hadisəsində təqsirləndirilən həkim Azər Maqsudov amnistiya aktı əsasında cəzadan azad edilib.

Qərar Bakı Apellyasiya Məhkəməsində hakim Əli Məmmədovun sədrliyi ilə keçirilən iclasda qəbul olunub. Məlumatı Maqsudov özü təsdiqləyib.

İstintaq materiallarına görə, hadisə 2023-cü ilin noyabrında Bakının Sabunçu rayonunda baş verib. Maqsudov idarə etdiyi avtomobillə hərəkətdə olarkən Acaloğlunu vurub, nəticədə alim aldığı xəsarətlərdən ölüb.

Maqsudov Azərbaycan Respublikası Cinayət Məcəlləsinin 263.2-ci maddəsi (yol hərəkəti qaydalarının pozulması – ölümlə nəticələndikdə) ilə təqsirləndirilib. O, Sabunçu Rayon Məhkəməsinin hökmü ilə 1 il 6 ay müddətə nəqliyyat vasitəsi idarə etmək hüququndan məhrum edilməklə 4 il azadlıqdan məhrum edilib və cəzasını məntəqə tipli cəzaçəkmə müəssisəsində çəkirdi.

Maqsudov Kliniki Tibbi Mərkəzn Toksikologiya şöbəsinin müdiridir.