Şirvanda qidalanan zəhərlənən 6 nəfərin son durumu açıqlanıb- Yenilənib

Zəhərlənmə şübhəsi ilə 5 nəfər (qadın) Şirvan Şəhər Mərkəzi Xəstəxanasının Təcili tibbi yardım şöbəsinə hospitalizasiya olunub. Bu barədə anews.az-ın sorğusuna cavab olaraq TƏBİB-dən bildirilib

Məlumata görə, zəhərlənənlərə  qida zəhərlənməsi diaqnozu təyin olunub.

Pasiyentlərə dərhal ilkin tibbi yardım göstərilib.

Hazırda onların müalicəsi Təcili tibbi yardım şöbəsində həkim nəzarəti altında davam etdirilir.

Vəziyyətləri orta ağır olaraq qiymətləndirilir.

***

Şirvanda restoranda qidalanan 6 nəfər zəhərlənmə diaqnozu ilə xəstəxanaya yerləşdirilib. 

Hadisə şəhər ərazisində yerləşən ictimai iaşə obyektlərindən birində baş verib. Zərərçəkənlər Şirvan Şəhər Mərkəzi Xəstəxanasına çatdırılıb və onlara tibbi yardım göstərilir.

Hadisənin səbəbləri ilə bağlı araşdırma aparılır.

Aytac Zeynalova