Nigaha girən şəxslərin narkoloji test verilməsi məcburi olsun - Təklif

Deputat Göydəniz Qəhrəmanov nikah bağlanarkən tibbi arayışla yanaşı narkoloji müayinənin də məcburi sənəd kimi tələb olunmasını təklif edib.

Deputat parlamentdə çıxışı zamanı bildirib ki, bəzi hallarda şəxsin narkotik asılılığı yalnız evlilikdən sonra məlum olur və bu da ailədaxili problemlərə, o cümlədən boşanmalara səbəb olur.

Qəhrəmanovun sözlərinə görə, bu kimi halların qarşısını almaq üçün nikah mərhələsində daha geniş tibbi yoxlamaların tətbiqi məqsədəuyğun ola bilər.

Azərbaycanda nikaha daxil olan şəxslər üçün hazırda əsasən tibbi müayinə sertifikatı tələb olunur. 

Gülnar Nazimqızı