Bəzi işlərə qəbulda narkoloji rəy tələb olunacaq

ğMilli Məclis işə qəbul zamanı dövlət narkoloji tibb müəssisəsinin rəyinin təqdim edilməsini nəzərdə tutan qanunvericilik dəyişikliyini birinci oxunuşda qəbul edib.

Dəyişikliklər Əmək Məcəlləsinə aiddir və işə qəbul qaydalarının yeni tələblərini müəyyən edir.

Mövcud qanunvericiliyə əsasən, ağır, zərərli və təhlükəli əmək şəraitində, eləcə də səhiyyə, qida sənayesi, ictimai iaşə və ticarət kimi sahələrdə çalışan şəxslər tibbi arayış təqdim etməlidirlər.

Yeni dəyişikliklərə görə isə siyahısı müvafiq icra orqanı tərəfindən müəyyən ediləcək bəzi peşə və vəzifələrə qəbul zamanı işçilər dövlət narkoloji tibb müəssisəsi tərəfindən verilən tibbi müayinə (narkoloji rəy) təqdim etməli olacaqlar.

Qanuna əsasən, həmin rəy olmadan müvafiq vəzifələrə işə qəbul qadağan ediləcək.

Gülnar Nazimqızı