Türkiyədə zorakılıq görən qadınlar proqram vasitəsilə polisə məlumat verə bilir - deputat

Türkiyə Böyük Millət Məclisinin deputatı Çiğdem Erdoğan qadınların hüquqlarının qorunması və sahibkarlığının inkişafı sahəsində beynəlxalq əməkdaşlığın genişləndirilməsini təklif edib.

O bildirib ki, mövcud memorandum çərçivəsində tərəflər arasında daha intensiv təcrübə mübadiləsi və qarşılıqlı səfərlər təşkil oluna bilər.

Deputatın sözlərinə görə, Türkiyədə qadınların təhlükəsizliyinin təmin edilməsi üçün tətbiq olunan KADES mobil proqramı bu sahədə uğurlu nümunələrdən biridir. Tətbiq vasitəsilə qadınlar zorakılıq hallarında dərhal hüquq-mühafizə orqanlarına siqnal göndərə bilir. Qeyd olunub ki, proqramın yüklənmə sayı 8 milyonu keçib.

Çiğdem Erdoğan əlavə edib ki, tətbiqin fəaliyyəti Daxili İşlər Nazirliyi nəzdində fəaliyyət göstərən və zorakılıq hallarını izləyən xüsusi mərkəz tərəfindən koordinasiya olunur.

Deputat xarici nümayəndə heyətlərinin bu sistemi yerində tanıması üçün Türkiyəyə dəvət oluna biləcəyi vurğulanıb.

Deputat həmçinin qeyd edib ki, Türkiyədə qadın sahibkarlığının təşviqi məqsədilə qrant və dəstək proqramları genişləndirilib, on minlərlə qadın öz biznesini qurub. Xüsusilə texnologiya yönümlü təşəbbüslərə dəstəyin artırıldığı, qadınların süni intellekt və rəqəmsal iqtisadiyyata cəlb edildiyi bildirilib.

Gülnar Nazimqızı