Bakıda 7-ci sinif şagirdinin bulinqə məruz qaldığı deyilir - Video

Paytaxtın 145 nömrəli tam orta məktəbində VII sinif şagirdi olan qızın özünə kəsici alətlə xəsarət yetirməsi hadisəsi qeydə alınıb.

Hadisə 23 aprel tarixində məktəbin sanitar qovşağında baş verib. Şagirdin sinif yoldaşları dərhal müəllim və məktəb rəhbərliyinə məlumat veriblər.

Bakı Şəhəri üzrə Təhsil İdarəsi-nin məlumatına görə, məktəb rəhbərliyi tərəfindən dərhal şagirdə ilkin tibbi yardım göstərilib, təcili tibbi yardım xidməti və valideyn məlumatlandırılıb. Hazırda yeniyetmənin vəziyyətinin qənaətbəxş olduğu bildirilir.

İlkin məlumatlara əsasən, şagirdin sinif yoldaşlarının onu videoya çəkib sosial şəbəkədə paylaşacaqları ilə bağlı təzyiq və təhdidlərə məruz qalması hadisəyə səbəb kimi göstərilir.