Şirvanda çətənə yetişdirən iki nəfər həbs edilib

Şirvan şəhərində narkotik tərkibli bitkilərin kultivasiyası ilə məşğul olmaqda şübhəli bilinən iki nəfər saxlanılıb.

Daxili İşlər Nazirliyinin məlumatına görə, Şirvan Şəhər Polis Şöbəsinin əməkdaşlarının keçirdiyi əməliyyat tədbirləri nəticəsində Şəhriyar Aslanlı və Salman Həsənov tutulub.

Əraziyə baxış zamanı aqrotexniki qaydalarla becərilmiş 52 ədəd çətənə kolu aşkar olunub.
İlkin araşdırmalara əsasən, saxlanılan şəxslər bitkiləri ötən ay əkərək onlara xüsusi qulluq göstəriblər.

Faktla bağlı cinayət işi başlanılıb, məhkəmənin qərarı ilə hər iki şəxs barəsində həbs qətimkan tədbiri seçilib.