Azərbaycanda bir gündə 75 cinayət açılıb - DİN

Azərbaycanda polis əməkdaşları aprelin 29-da qeydə alınan və əvvəlki dövrlərdən bağlı qalan ümumilikdə 75 cinayətin açılmasını təmin edib.

Daxili İşlər Nazirliyinin Mətbuat Xidmətinin məlumatına görə, gün ərzində 65 yeni qeydə alınmış cinayət, eləcə də əvvəlki dövrlərdən bağlı qalan 10 cinayət işi üzrə nəticə əldə olunub.

Hesabata əsasən, axtarışda olan 139 nəfər saxlanılıb. Onlardan 103 nəfəri borclu şəxs qismində axtarışda olub.

Bundan əlavə, narkotiklərlə bağlı 29 fakt, qanunsuz saxlanılan silah-sursatın aşkar olunması və götürülməsi ilə bağlı isə 5 fakt müəyyən edilib.

Məlumata görə, cinayət törətməkdə şübhəli bilinən ümumilikdə 66 nəfər saxlanılaraq istintaqa təhvil verilib.

Gülnar