Mobil cihaz istehsalçılarının Azərbaycandakı bazar payları açıqlanıb

Ötən ay Azərbaycanın mobil cihaz bazarında ən böyük pay sahibi "Apple" şirkəti olub. 

bu barədə “StatCounter” məlumat yayıb.

Belə ki, şirkətin ölkədəki bazar payı 26,1% təşkil edib. Ötən ay "Apple" bazar payını mart ayı ilə müqayisədə 2,2 faiz bəndi, ötən ilin eyni dövrü ilə müqayisədə isə 7,25 faiz bəndi artırıb.

Azərbaycanda mobil cihaz bazarında "Samsung" şirkətinin payı 21,73% olub. Bu isə aylıq müqayisədə 1,46 faiz bəndi, illik müqayisədə 5,95 faiz bəndi azdır.

Ay ərzində "Xiaomi"nin bazar payı mart ayı ilə müqayisədə 0,45 faiz bəndi artıb, illik isə 4,54 faiz bəndi azalıb. Bununla da şirkət bazarda 18,75% pay sahibi olub.

Apreldə "Honor" şirkətinin bazar payı aylıq 0,51 faiz bəndi, illik 0,25 faiz bəndi artaraq 5,19% təşkil edib.

Ötən ay "Huawei" şirkətinin bazar payı 1,13% olub ki, bu da aylıq 0,03 faiz bəndi, illik 0,43 faiz bəndi azdır.