Air Serbia Bakı və Belqrad arasında birbaşa uçuşlara başlayıb

Serbiyanın milli aviadaşıyıcısı Air Serbia Bakı ilə Belqrad arasında birbaşa uçuşların açıldığını elan edib. Bu barədə şirkətin sosial şəbəkə hesabında paylaşım edilib.

Yeni marşrutun Azərbaycan və Serbiya arasında əməkdaşlığın genişlənməsinə töhfə verəcəyi bildirilir.

Məlumata görə, uçuşlar həftədə iki dəfə həyata keçiriləcək. Reyslər Belqrad-dan çərşənbə və bazar günləri, Bakı-dan isə cümə axşamı və bazar günləri planlaşdırılıb.

İlk reysin yola salınması mərasimində Azərbaycanın Serbiyadakı səfiri Kamil Həsənov, Serbiya hökumətinin nümayəndələri, o cümlədən tikinti, nəqliyyat və infrastruktur naziri Aleksandra Sofroniyeviç, idman naziri Zoran Qayiç, mədəniyyət naziri Nikola Selakoviç, həmçinin şirkət rəhbərliyi və media nümayəndələri iştirak ediblər