FHN: Bir həftədə 127 yanğın baş verib, 37 nəfər xilas edilib

Fövqəladə Hallar Nazirliyi (FHN) ötən həftə ərzində ölkə üzrə 127 yanğın hadisəsinə müdaxilə olunduğunu açıqlayıb.

Nazirliyin məlumatına görə, “112” qaynar xəttinə daxil olan müraciətlər əsasında həmçinin 28 halda köməksiz vəziyyətdə qalma və 2 yol-nəqliyyat hadisəsi üzrə qəza-xilasetmə əməliyyatları həyata keçirilib.

Bildirilib ki, görülən operativ tədbirlər nəticəsində yanğınlar qısa müddətdə söndürülüb və insanların həyatının xilas olunması təmin edilib.

FHN-nin məlumatına əsasən, ümumilikdə ötən həftə ərzində 9-u azyaşlı olmaqla 37 nəfər xilas edilib, 4 nəfərin meyiti aidiyyəti üzrə təhvil verilib.