Kallas: Aİ Azərbaycanla daha strukturlaşdırılmış tərəfdaşlığı müzakirə etməyə hazırdır

Azərbaycan Avropa İttifaqı üçün “dəyərli və etibarlı enerji tərəfdaşıdır” və Brüssel Bakı ilə daha strukturlaşdırılmış əməkdaşlığı müzakirə etməyə hazırdır. Bunu Bakıda səfərdə olan 
 Kaya Kallas bildirib.

Avropa İttifaqının xarici işlər və təhlükəsizlik siyasəti üzrə ali nümayəndəsi, eyni zamanda Avropa Komissiyasının vitse-prezidenti olan Kallas Bakıya səfəri zamanı deyib ki, xüsusilə ticarət, nəqliyyat və rəqəmsal texnologiyalar sahələrində əməkdaşlığın dərinləşdirilməsi üçün “aşkar potensial” mövcuddur.

O qeyd edib ki, Aİ üçün Cənubi Qafqaz və Mərkəzi Asiya arasında əlaqələrin gücləndirilməsi ortaq strateji maraqlara uyğundur və bu istiqamətdə Azərbaycanla əməkdaşlıq genişləndirilə bilər.

Kallas vurğulayıb ki, insan hüquqları ilə bağlı məsələlər Aİ-nin gündəliyində qalır və bu sahədə “açıq və səmimi dialoq” əməkdaşlığın ayrılmaz hissəsidir.

O, həmçinin Azərbaycan və Ermənistan arasında sülh prosesində əldə olunan irəliləyişi “tarixi fürsət” kimi qiymətləndirərək bu dinamikanın qorunmasının vacibliyini qeyd edib.

Kallas əlavə edib ki, Aİ sülh prosesini dəstəkləmək üçün etimad qurucu tədbirlərdən mina təmizləmə fəaliyyətinə qədər müxtəlif alətlərdən istifadə edir və bu sahədə artıq ən böyük donor tərəfdir.

Aytac Zeynalova