Ali təhsilli anaların övladları daha yüksək nəticə göstərir – IELS 2025

Beynəlxalq Erkən Öyrənmə və Uşaq Rifahı Tədqiqatının (IELS 2025) nəticələrinə görə, ali təhsilli anaların övladları akademik və koqnitiv göstəricilər üzrə daha yüksək nəticələr əldə edir. Bu barədə Təhsil İnstitutunun direktoru səlahiyyətlərini müvəqqəti icra edən Elnur Əliyev ekspertlər və media nümayəndələri üçün keçirilən məlumatlandırma sessiyasında bildirib.



O bildirib ki, ən böyük fərq əsas riyazi bacarıqlar üzrə 36 bal, əsas savadlılıq üzrə isə 27 bal təşkil edir.

Bu, ananın təhsil səviyyəsinin uşağın erkən inkişafına mühüm təsir göstərdiyini ortaya qoyur.

Araşdırma həmçinin göstərir ki, dolayı ölçülən göstəricilər üzrə də fərqlər mövcuddur. Belə ki, prososial davranış üzrə fərq 32 bal, güvən göstəricisi üzrə isə 18 bal səviyyəsindədir və bu sahələrdə də ali təhsilli anaların uşaqları irəlidədir.

Bununla yanaşı, nizam-intizamlı davranış sahəsində əks dinamika müşahidə olunduğu qeyd edilib.

Tədqiqat İqtisadi Əməkdaşlıq və İnkişaf Təşkilatı tərəfindən həyata keçirilir

Gülnar Nazimqızı