Azər Bayramov: Aqrar sahədə əsas hədəf emalın inkişafı və ixracın artırılmasıdır

Aqrar sığorta sistemində risk xəritəsinin genişləndirilməsi fermerlərin dayanıqlı fəaliyyətinə şərait yaradacaq. Bunu iqtisadiyyat nazirinin müavini  Azər Bayramov deyib.

"Məhdud torpaq və su resursları nəzərə alınaraq sahəyə daha peşəkar yanaşma vacibdir. Fermerlərin sertifikatlı toxum, müasir suvarma sistemləri, baytarlıq və fitosanitar xidmətlərə, eləcə də maliyyə və sığorta alətlərinə çıxışı genişləndirilməlidir. Dövlət proqramı çərçivəsində əsas hədəf istehsalın intensivləşdirilməsi, dövlət dəstəyinin gücləndirilməsi və emal sektorunun inkişafıdır. Əsas məqsəd yalnız istehsal deyil, əlavə dəyərin artırılmasıdır və bu baxımdan emal sahəsinin inkişafı prioritetdir. Ət, süd, meyvə-tərəvəz və üzüm məhsullarının emalının genişləndirilməsi, klaster əsaslı istehsal modelinin qurulması məşğulluğa və ixrac gəlirlərinə müsbət təsir göstərəcək. Bununla yanaşı, soyuducu anbarların, taxıl elevatorlarının və süd toplama infrastrukturunun genişləndirilməsi vacib hesab olunur",- o bildirib.

Aytac