Növbəti ildən fermerlərə yeni kredit güzəşti tətbiq olunacaq

2026-2027-ci ilfən fermerlər banklardan kredit götürərək,  məhsulu satdıqdan bir il sonra kreditin əsas məbləğini ödəyə biləcəklər.  Bunu Kənd Təsərrüfatı Nazirliyinin tabeliyindəki Aqrar Kredit və İnkişaf Agentliyinin İdarə Heyətinin sədri Yalçın Camalov jurnalistlərə açıqlamasında bildirib.

"Fermerlər eyni zamanda güzəştli kreditlərlə də dəstəklənir. Aqrar Kredit və İnkişaf Agentliyi dövlət təminatlı mikrokreditlər, texnika kreditləri və nağd kreditlər təqdim edir",-o bildirib.

Sədr əlavə edib ki, Azərbaycanda son 5 ildə 46 min hektardan çox ərazidə müasir suvarma sistemləri quraşdırılıb.

Onun sözlərinə görə, hazırda dövlət damazlıq heyvanların dəyərinin 60 %-nə subsidiya tətbiq edir. Yəni fermerlərin satın aldıqları damazlıq heyvanların 60%-i dövlət tərəfindən maliyyələşdirilir. Kənd təsərrüfatı təyinatlı texnika və avadanlıqların isə 40 %-i dövlət tərəfindən ödənilir".

Aytac Zeynalova