Qurban bayramı öncəsi heyvan bazarında qiymətlər

Qurban bayramına sayılı günlər qalıb. Heyvandarlıqla məşğul olanlar və satıcılar, hər il olduğu kimi bu il də xırdabuynuzlu heyvanlara tələbatın olduğunu bildirirlər. 

Qurbanlıq quzuların satışı ilə məşğul olanlar minimal qiymətin 20 manat olduğunu, lakin heyvanın çəkisinə nisbətən qiymətin də dəyişdiyini vurğuladılar.

 Bölgələrdə də qiymətlərin dəyişməz olaraq qaldığı bildirilir. Bərdə rayonunda satıcılar isə qurbanlıq xırdabuynuzluların qiymətinin 15 manatdan başladığını dedilər.

 Qərb rayonlarından olan Tovuzda isə bildirildi ki, heyvan satışına tələbat azalıb. Amma, ümumilikdə Qurban bayramı ilə əlaqədar qiymətlərdə 20, 30 manat artım müşahidə olunur.(Xəzər Tv)