Gələn il Şuşanın özünə 3 mindən çox şəxs köçürüləcək

2026-ci ilin sonuna kim Şuşanın bir neçə kəndinə təxminən 43 ailənin köçürülməsi nəzərdə tutulur. Bunu Şuşa rayonunda Prezidentin xüsusi nümayəndəsi Aydın Kərimov anews.az-a açıqlamasında deyib.

Onun sözlərinə görə, köç prosesi mərhələli şəkildə həyata keçiriləcək və hazırda kəndlərdə yaşayış infrastrukturu, kommunikasiya xətləri və sosial obyektlərin yaradılması istiqamətində işlər davam etdirilir.

Kərimov qeyd edib ki, Şuşa şəhərinə isə daha genişmiqyaslı köç planlaşdırılır.

“Gələn il Şuşa şəhərinin özünə 3 mindən çox insanın köçürülməsi nəzərdə tutulur”, - o bildirib.

Gülnar Nazimqızı