Vüsal Hüseynov: Şəhərlər miqrasiyanın real şəkildə hiss olunduğu məkanlardır

Miqrantlar yalnız əmək və ticarət vasitəsilə deyil, həm də bilik, yaradıcılıq və sosial kapital vasitəsilə töhfə verirlər. Buna görə də miqrasiyanın idarə olunması və şəhər idarəçiliyi artıq ayrı-ayrılıqda nəzərdən keçirilə bilməz. Onlar birlikdə idarə olunmalıdır. Bunu Dövlət Miqrasiya Xidmətinin rəisi Vüsal Hüseynov deyib.

"Miqrasiya ilə urbanizasiya arasındakı əlaqələri araşdırmaq və uyğun idarəetmə mexanizmlərini nəzərdən keçirmək vasitəsilə bu istiqamətdə fəaliyyət göstəririk. Bugünkü tədbir həmçinin iki həftə əvvəl keçirilmiş Beynəlxalq Miqrasiya İcmal Forumunda başlanan qlobal dialoqun bir hissəsidir. Yeni Şəhər Gündəliyi inklüziv şəhər inkişafının əhəmiyyətini və miqrantların şəhərlərin formalaşmasındakı rolunu qəbul edir. Qlobal Miqrasiya Paktı isə vurğulayır ki, effektiv miqrasiya idarəçiliyi davamlı inkişaf nəticələrinə birbaşa töhfə verir",- o bildirib.

Onun sözlərinə görə, Hesabatda beynəlxalq miqrasiyanın artan dinamikası qeyd olunur və 2024-cü ilədək miqrantların sayının 304 milyona çatdığı, bunun isə dünya əhalisinin 15,3 faizini təşkil etdiyi bildirilir

".Bu gün dünya əhalisinin yarıdan çoxu şəhərlərdə yaşayır və 2050-ci ilə qədər bu göstəricinin 70 faizə çatacağı gözlənilir. Miqrantlar bu prosesin bir hissəsidir və şəhər transformasiyasının əsas hərəkətverici qüvvələrindən biri hesab olunurlar. Miqrantlar yalnız əmək və ticarət vasitəsilə deyil, həm də bilik, yaradıcılıq və sosial kapital vasitəsilə töhfə verirlər. Buna görə də miqrasiyanın idarə olunması və şəhər idarəçiliyi artıq ayrı-ayrılıqda nəzərdən keçirilə bilməz. Onlar birlikdə idarə olunmalıdır",- o əlavə edib

Aytac