Bahar Muradova: qadınların yerli idarəetmə və QHT sektorunda təmsilçiliyi artır

Yerli idarəetmə, QHT və media mühitinin təhlili 2025-ci ildə qadınların müxtəlif sahələrdə təmsilçiliyinin artdığını göstərir. Bunu Ailə,Qadın və Uşaq Problemləri üzrə Dövlət Komitəsinin sədri Bahar Muradova Milli Məclisdə çıxışı zamanı deyib. 

Onun sözlərinə görə, bələdiyyələrdə qadınların təmsilçilik səviyyəsi 39%-ə yaxınlaşıb, QHT sektorunda rəhbər vəzifələrdə çalışan qadınların sayı artıb, həmkarlar ittifaqlarında isə qadınların fəallığı yüksəlib.

Muradova qeyd edib ki, media və rəqəmsal platformalar gender məsələlərinin daha açıq şəkildə ictimai müzakirə predmetinə çevrilməsinə şərait yaradıb.

“Bu isə göstərir ki, bərabərlik siyasəti artıq yalnız dövlət səviyyəsində deyil, ictimai şüur səviyyəsində də sürətlə transformasiya olunur”,  o bildirib.

Gülnar Nazimqızı