Gəncədə sərnişin avtobusu qəza edib, xəsarət alanlar var

Bakı-Gəncə avtomobil yolunda sərnişin daşıyan avtobus qəza edib. 

“Qafqazinfo”nun məlumatına görə, hadisə magistral avtomobil yolunun Zazalı qəsəbəsindən keçən hissəsində qeydə alınıb.

“Hundai”  markalı avtomobil “Range Rover” markalı maşına arxadan çırpılıb. Hadisə yerinə yol polisi əməkdaşları cəlb olunub.

İlkin məlumata görə, 1989-cu il təvəllüdlü Əli Süleymanov, 2024-cü il təvəllüdlü Əsgər Süleymanov, və 2019-cu il təvəllüdlü Mələk Süleymanova və 1996-cı il təvəllüdlü Ruhanə Məmmədova müxtəlif dərəcəli xəsarətlər alıblar.

Yaralılar Gəncədə yerləşən xəstəxanalardan birinə yerləşdirilib. 

Qəzanın təfərrüatları dəqiqləşdirilir.