MEDİA: Bəzi saytlar DİM-in statistik məlumatlarını şişirdilmiş başlıqlarla təqdim edib

Bəzi media subyektləri Dövlət İmtahan Mərkəzinin (DİM) "Abituriyent" jurnalının 12-ci nömrəsində dərc olunmuş 2025/2026-cı tədris ili üzrə tələbə qəbulu və ümumi təhsil müəssisələrinin buraxılış imtahanlarının nəticələrinə dair elmi-statistik məlumatları təhrif olunmuş formada təqdim edib.Bu barədə Medianın İnkişafı Agentliyi (MEDİA) məlumat yayıb.

Bildirilib ki, media subyektləri məlumat yayarkən "Media haqqında" qanunun tələblərinə və peşəkar jurnalistika prinsiplərinə riayət etməlidir.

Agentlik vurğulayıb ki, statistik məlumatların şərhi zamanı onların mənbəyi, metodologiyası və konteksti düzgün izah edilməlidir.

"Məsuliyyətli və peşəkar yanaşma ictimai əhəmiyyət daşıyan mövzuların işıqlandırılmasında media subyektlərinin əsas vəzifələrindən biridir", - məlumatda qeyd olunub.