FHN küləkli hava şəraiti ilə bağlı əhaliyə xəbərdarlıq edib

Fövqəladə Hallar Nazirliyi (FHN) ölkə ərazisində müşahidə olunan küləkli hava şəraiti ilə bağlı əhaliyə müraciət edib və təhlükəsizlik qaydalarına riayət olunmasını tövsiyə edib.

Nazirlikdən verilən məlumata görə, xüsusilə Bakı və Abşeron yarımadasında güclü küləklərin müşahidə olunduğu hazırkı şəraitdə əhaliyə dənizə girməmək çağırışı edilib.

Qurum bildirib ki, küləkli hava şəraiti zamanı dənizdə olmaq həyati təhlükə yaradır və vətəndaşlar müvafiq təhlükəsizlik qaydalarına ciddi əməl etməlidirlər.

FHN həmçinin qeyd edib ki, qaydalara etinasızlıq insan həyatı üçün risk yaradır və fövqəladə hallarda 112 qaynar xəttinə müraciət olunmalıdır.