Azərbaycanda narkoloji müayinədən keçirilən 2740 nəfərin 1301-də narkotik istifadəsi aşkarlanıb

Azərbaycan Respublikası Daxili İşlər Nazirliyi tərəfindən bütün növ sərxoşluq hallarının müəyyənləşdirilməsi məqsədilə 39 002 nəfər Azərbaycan Respublikası Səhiyyə Nazirliyinin Respublika Narkoloji Mərkəzinə istiqamətləndirilib.

Həmin şəxslərdən narkotik vasitələrdən istifadənin müəyyənləşdirilməsi məqsədilə tibbi müayinədən keçirilən 2740 nəfərin 1301-nin narkotik istifadəçisi olduğu aşkarlanıb.

Müayinələrin nəticələrinə əsasən, müəyyən edilən faktlarla bağlı qanunvericiliyə uyğun zəruri tədbirlərin görülməsi təmin edilib.

Statistikaya əsasən, narkotik istifadəsi ilə bağlı müayinədən keçirilən şəxslərin təxminən 47,5 faizində narkotik vasitələrdən istifadə faktı təsdiqini tapıb.

Gülnar Nazimqızı