Aşura günü ilə bağlı qanvermə aksiyasında 225.45 litr qan toplanıb

Aşura günü ilə bağlı Azərbaycanda keçirilən könüllü qanvermə aksiyasında 501 nəfər könüllü donor qan verib. Nəticədə ümumilikdə 225.45 litr qan toplanıb. Bu barədə Səhiyyə Nazirliyindən bildirilib.

Bu il qanvermə aksiyası respublikanın 30 şəhər və rayonunda yerləşən 40 məntəqədə təşkil olunub. Məntəqələrin 24-ü məscid və ziyarətgahlarda, 15-i tibb, 1-i isə təhsil müəssisəsində fəaliyyət göstərir.

Səhər saat 08:00-da start götürən aksiya gün ərzində davam edir.