Elnur Hidayətoğlu da TƏBİB-dən getdi

Jurnalist Elnur Hidayətoğlu Tibbi Ərazi Bölmələrini İdarəetmə Birliyinin (TƏBİB) İctimaiyyətlə əlaqələr şöbəsinin müdiri vəzifəsindən azad olunub. Elnur Hidayətoğlu bu barədə sosial şəbəkə hesabında məlumat verib.

O, TƏBİB-də İctimaiyyətlə əlaqələr şöbəsinin müdiri vəzifəsini icra edirdi.

TƏBİB-dəki fəaliyyətindən əvvəl Elnur Hidayətoğlu Bakı Baş Səhiyyə Mərkəzində departament rəhbəri vəzifəsində çalışıb.

O, həmçinin müxtəlif illərdə Kliniki Tibbi Mərkəzdə və Nazirlər Kabineti yanında Məcburi Köçkünlərin Sosial İnkişaf Fondunda rəhbər vəzifələrdə işləyib.

Elnur Hidayətoğlu uzun illər media sahəsində fəaliyyət göstərib. Sonrakı dövrdə səhiyyə sistemində ictimaiyyətlə əlaqələr istiqamətində müxtəlif rəhbər vəzifələrdə çalışaraq dövlət səhiyyə qurumlarının kommunikasiya fəaliyyətinə rəhbərlik edib.

Gülnar Nazimqızı