Sabah paytaxtın bu rayonlarında işıq kəsiləcək

Sabah Bakının Yasamal və Nizami rayonlarının bəzi ərazilərində planlı təmir işləri ilə əlaqədar elektrik enerjisinin verilişində müvəqqəti məhdudiyyət tətbiq olunacaq. Bu barədə “Azərişıq” ASC məlumat yayıb.

Qurumun məlumatına görə, Yasamal Rayon Enerji Təchizatı və Satışı İdarəsinin ərazisində yerləşən transformator məntəqəsində aparılacaq təmir işləri səbəbindən saat 10:00-dan 13:00-dək Tağı Şahbazi, İsmayıl bəy Qutqaşınlı və Qızıl Şərq küçələrinin bir hissəsində elektrik enerjisinin verilişi dayandırılacaq.

Eyni saatlarda Nizami Rayon Enerji Təchizatı və Satışı İdarəsinin ərazisində yerləşən transformator məntəqələrində aparılacaq təmir-təftiş işləri ilə əlaqədar Nizami Abdullayev küçəsində də elektrik enerjisinin verilişində fasilə veriləcək.

Təmir işləri yekunlaşdıqdan sonra həmin ərazilər daha keyfiyyətli elektrik enerjisi ilə təmin olunacaq.