ABŞ-də anomal istilər: 20-dən çox ölən var

ABŞ-də davam edən anomal isti hava şəraiti nəticəsində azı 25 nəfər ölüb.

NBC telekanalının ştat hakimiyyət orqanlarına istinadən verdiyi məlumata görə, ölənlərin 22-si Nyu-Cersi ştatında qeydə alınıb. Bundan başqa, İllinoys ştatında bir, Missisipi ştatında isə iki nəfər isti hava ilə əlaqədar həyatını itirib.

Məlumata görə, ölənlərin əksəriyyətinin cəsədi kondisionersiz evlərdə aşkar edilib. Digərləri isə küçədə və ya park edilmiş avtomobillərdə tapılıb.