Azərbaycanda pensiya ödənişləri 10% artıb

2026-ci ilin birinci yarısında Azərbaycanda pensiya ödənişlərinə 3 milyard 916 milyon manat olub. Bu, ötən ilin eyni dövrü ilə müqayisədə 368 milyon manat və ya 10% çoxdur.  Bu barədə Dövlət Sosial Müdafiə Fondu məlumat yayıb.

İlin əvvəlindən pensiyalar 9,3% indeksləşdirilərək artırılıb. İyulun 1-nə pensiyaların orta aylıq məbləği illik müqayisədə 10% artaraq 594 manata çatıb. Yaşa görə orta aylıq pensiyanın məbləği isə 632 manat təşkil edib.

Yanvar–iyununda 23 min pensiya təyinatı elektron sistem üzərindən proaktiv qaydada həyata keçirilib.

Elektron pensiya təyinatına başlanıldığı 2019-cu ilin əvvəlindən indiyədək isə bu üsulla ümumilikdə 201 min pensiya təyin olunub.

Aytac