Ülvi Mehdiyev: "ASAN xidmət" korrupsiyaya qarşı islahatdır

"ASAN xidmət" ilk növbədə korrupsiyaya qarşı həyata keçirilən islahatdır. Bunu Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev "Baku TV"yə müsahibəsində bildirib.

Onun sözlərinə görə, "ASAN xidmət"in yaradılması zamanı əsas prinsiplər şəffaflıq, operativlik, əlçatanlıq və bürokratiyanın aradan qaldırılması olub.

"Bütün bunlar korrupsiyaya qarşı mübarizə siyasətinin əsas tərkib hissəsidir", – Ü.Mehdiyev deyib.

Dövlət Agentliyinin sədri bildirib ki, "ASAN xidmət" modeli vətəndaşların hüquqlarını daha səmərəli həyata keçirməsi üçün imkan yaradıb.

O qeyd edib ki, model BMT-nin Dayanıqlı İnkişaf Məqsədlərinin bir neçəsinin icrasına töhfə verir, Azərbaycanın beynəlxalq reytinqlərində mövqeyini gücləndirir və ölkədə rəqəmsal transformasiyanın başlanğıcını qoyan əsas komponentlərdən biri hesab olunur.