Azərbaycanda altı ayda 15 nəfərə professor, 122 nəfərə dosent elmi adı verilib

Bu ilin yanvar-iyunda Azərbaycanda 15 nəfərə professor, 122 nəfərə isə dosent elmi adı verilib.

Azərbaycan Prezidenti yanında Ali Attestasiya Komissiyasının məlumatına görə, eyni dövrdə 37 nəfərin dosent, 2 nəfərin isə professor elmi adı almaq üçün müraciətinə imtina verilib.

Komissiyanın açıqlamasına əsasən, dosent elmi adı ən çox filologiya elmləri üzrə təqdim olunub. Hesabat dövründə bu sahədə 35 nəfər dosent elmi adı alıb.

Professor elmi adı isə ən çox iqtisad elmləri üzrə verilib. Belə ki, ilin ilk altı ayında iqtisad elmləri sahəsində 3 nəfərə professor elmi adı təqdim olunub.