Odessa yaxınlığında vurulan gəminin kapitanı Lənkəranda dəfn olunub

Ukraynanın Odessa şəhəri yaxınlığında dron hücumu nəticəsində həlak olan "Atlas Bey" mülki ticarət gəmisinin kapitanı Səməd Nəsrullayev Lənkəran rayonunda dəfn olunub. 

APA xəbər verir ki,mərhumun cənazəsi doğulduğu Lənkəran rayonunun Balıqçılar qəsəbəsinə gətirilərək ailəsinə təhvil verilib. Ailə ilə vida mərasimindən sonra o, qəsəbə qəbiristanlığında torpağa tapşırılıb. 

İyulun 14-də Odessa sahilləri yaxınlığında Türkiyənin "Okean Maritime" şirkətinə məxsus "Atlas Bey" mülki ticarət gəmisi dron hücumuna məruz qalıb. Gəminin heyətində 11 Azərbaycan vətəndaşı olub. Hücum nəticəsində kapitan Səməd Nəsrullayev həlak olub.