Azərbaycanın sabiq məhkəmə sədri İkram Kərimov vəfat edib

Uzun illər məhkəmə sədri olmuş, hazırda Azərbaycan Vəkillər Kollegiyasının Ağsaqqallar Şurasının sədri və "Ədalət" Vəkil Bürosunun vəkili İkram Kərimov 84 yaşında vəfat edib.

İkram Kərimov 1942-ci il aprelin 18-də Kürdəmirdə anadan olub. Azərbaycan Dövlət Universitetinin Hüquq fakültəsini bitirdikdən sonra prokurorluq orqanlarında müxtəlif vəzifələrdə çalışıb.
O, 1978-1987-ci illərdə Bakı şəhəri Xəzər rayonunun prokuroru və Bakı şəhər prokurorunun birinci müavini olub.

1987-2012-ci illərdə Bakı Şəhər Məhkəməsinin, Ağır cinayətlərə dair işlər üzrə Hərbi Məhkəmənin və Sumqayıt Apellyasiya Məhkəməsinin sədri vəzifələrini tutub.

2019-cu ildən Azərbaycan Vəkillər Kollegiyasının üzvü olan Kərimov Kollegiyanın Ağsaqqallar Şurasına sədrlik edirdi.
Ölümünün səbəbi barədə məlumat verilməyib.