Bakıda 14 yaşlı yeniyetmə 4 gündür itkin düşüb

Bakıda 14 yaşlı yeniyetmənin itkin düşməsi ilə bağlı axtarışlar davam edir.

Yeniyetmənin atası azxeber.com-a bildirib ki, Sahib dörd gün əvvəl yaşadığı evi tərk edərək Xırdalan şəhərində yaşayan anasının yanına gedib.

Onun sözlərinə görə, yeniyetmə daha sonra mağazaya getmək adı ilə evdən çıxıb və həmin vaxtdan etibarən ondan heç bir xəbər alınmayıb.

Hazırda Sahibin tapılması istiqamətində axtarış tədbirləri davam etdirilir.

Yaxınları yeniyetmə barədə məlumatı olan şəxslərdən hüquq-mühafizə orqanlarına və ya onun atası ilə 051 832 12 24 nömrəsi vasitəsilə əlaqə saxlamalarını xahiş edirlər.