Sumqayıtda 1000 abonentin qaz təchizatı müvəqqəti dayandırılacaq

Sumqayıt şəhərinin Yaşıldərə yaşayış massivində qaz təchizatı müvəqqəti dayandırılacaq.

"Azəriqaz" İstehsalat Birliyinin Sumqayıt Qaz İstismar Sahəsindən verilən məlumata görə, yaşayış massivi ərazisindən keçən 89 millimetrlik qaz kəmərində aşkar edilmiş sızmaların aradan qaldırılması məqsədilə təmir işləri aparılacaq.

Bununla əlaqədar avqustun 3-də saat 14:00-dan etibarən Yaşıldərə yaşayış massivində ümumilikdə 1000 abonentin qaz təchizatında fasilə yaranacaq.

Bildirilib ki, təmir işləri başa çatdıqdan sonra qazın verilişi mərhələli şəkildə bərpa olunacaq.