Gürcüstandan 55 əcnəbi deportasiya edilib

Gürcüstan Daxili İşlər Nazirliyinin (DİN) Miqrasiya Departamentinin əməkdaşları son günlər keçirilən əməliyyatlar zamanı ölkədə qanunsuz yaşayan 55 əcnəbini deportasiya ediblər. Bu barədə "Report"un Gürcüstan bürosu ölkənin DİN-inə istinadən xəbər verir.

Məlumata görə, tədbirlər Daxili İşlər Nazirliyinin digər aidiyyəti dövlət qurumları ilə koordinasiya şəraitində həyata keçirilib.

Kompleks tədbirlər nəticəsində Türkiyə, Hindistan, Rusiya, Türkmənistan, Özbəkistan, Azərbaycan, Pakistan, Somali, Ermənistan, Sudan, Tailand, Misir, İraq və digər ölkələrin vətəndaşları olmaqla ümumilikdə 55 əcnəbi Gürcüstan ərazisindən çıxarılıb.

Bildirilib ki, qüvvədə olan qanunvericiliyə uyğun olaraq deportasiya edilən şəxslərin Gürcüstana yenidən girişinə qadağa qoyulub.