Avqustun 15-dən metro xəttini əvəz edəcək avtobuslar ödənişlə işləyəcək

Avqustun 15-dən "Nizami" və "28 May" stansiyaları arasında fəaliyyət göstərəcək əlavə avtobuslar ödənişli olacaq. Bunu açıqlamasında "Bakı Metropoliteni" QSC-nin mətbuat katibi Bəxtiyar Məmmədov bildirib.

Məmmədov bildirib ki, avtobuslar arasında interval 2 dəqiqə 30 saniyə olacaq.

Avqustun 15-dən etibarən "Bakı Metropoliteni" QSC Qırmızı və Yaşıl xətlərin ayrılması layihəsinin əsas tikinti mərhələsinə başlayır. Tikinti işləri ilə əlaqədar metroda hərəkətin təşkilində müvəqqəti dəyişikliklər tətbiq ediləcək. Sərnişin axınının tənzimlənməsi məqsədilə "Nizami" və "28 May" stansiyaları arasında əlavə avtobus marşrutu təşkil olunacaq.

Aytac Zeynalova