Qaçaqmalçılıq yolu ilə narkotik gətirənlər zərərsizləşdirildi

DİN Baş Mütəşəkkil Cinayətkarlıqla Mübarizə İdarəsi qaçaqmalçılıq yolu ilə ölkəyə narkotik və psixotrop tərkibli preparatları gətirən və apteklərdə qanunsuz satışını təşkil edən şəxsləri zərərsizləşdirib.Daxili İşlər Nazirliyindən Trend-ə bildirilib ki, həmin şəxslər cinayət başındaca yaxalanıblar.Gədəbəy rayonunda anadan olmuş, 36 yaşlı Elman Qarayev və Füzuli rayonunda anadan olmuş, 32 yaşlı Sahib Xudiyev 180 ədəd Tropin preparatını 1500 manata satarkən ələ keçirilib.Araşdırmalarla müəyyən edilib ki, Səhiyyə Nazirliyi tərəfindən ölkədə satışı qadağan edilmiş Tropin preparatını Elman Qarayev bir müddət əvvəl İran İslam Respublikasından qaçaqmalçılıq yolu ilə gətirib. Saxlanılan şəxslər güclü təsiredici tərkibə malik olan Tropin preparatlarını Bakı şəhərində kirayədə yaşadıqları evdə gizlədiblər. Əməliyyatçılar evə baxış keçirən zaman əlavə olaraq xeyli sayda Tropin aşkarlayaraq götürüblər.Saxlanılan şəxs Elman Qarayev ifadəsində bildirib ki, Tropin preparatını izi itirmək üçün şprislə "Naftizin" flakonlarına qablaşdıraraq satmaq üçün tanışı Sahib Xudiyevə verib.S.Xudiyev isə öz növbəsində insan həyatı üçün xüsusilə təhlükəli olan və narkotik maddə aludəçiləri tərəfindən damara yeritmə yolu ilə qəbul edilən preparatları müxtəlif apteklərdə baha qiymətə satdırıb.ANN.Az